Бұл сиқырлы әлем

Бұл сиқырлы әлем

Ертегілерді бәрі жақсы көреді. Оны ересектер де, балалар да жақсы көреді! Ертегілер бізді жақсылыққа және еңбекқорлыққа үйретеді. Барлығымен дос болу үшін, қалай өмір сүру керектігін айтады.

№5 орта мектептің 4-сынып оқушыларына ертегілер жолымен серуендеп, жаңаларымен танысып, ескілерін еске түсіру ұсынылды, Ертегілер күнінен бастау алған балалар кітабы Апталығы басталды. Балаларды Н.В. Гоголь атындағы Орталық қалалық кітапханасының және Орталық балалар кітапханасының кітапханашылары әдеби кейіпкерлердің костюмдерінде қарсы алып, оларды сүйікті кітаптарының беттеріне саяхат жасап, ертегі кейіпкерлеріне баруды ұсынды. Сонымен – жолға.

Алғашқы балаларды пошташы Печкин ертегі жеделхаттармен қарсы алды. Бірақ сәтсіздік, Печкин жеделхат кімнен және кімге жіберілгенін шатастырды, балалар оған көмекке келіп, ертегі кейіпкерлерін атады.

«Мені ұста» станциясында қатысушы тапсырма жазылған карточка алды. Мимика және қимылдар көмегімен ертегінің үзіндісін бейнелеу қажет, ал топ оның атын немесе кейіпкерін болжау керек болды.

«Ертегі глобусы» – мұнда қатысушыларды түрлі-түсті әдеби карта күтіп тұрды, онда әдеби кейіпкердің қай шығармаға және елге жататынын болжау керек болды. Мысалы: Карлсон – Швеция, Қызыл телпек – Франция, Су перісі – Дания және т.б.

Келесі «Киноквиз» станциясы – экранда мультфильмдер мен әндердің үзінділері көрсетілді, ал балалар мультфильмнің атауын және оның қандай кітап бойынша түсірілгенін болжады.

«Логикалық тапсырма» станциясында – қатысушыларға «Бауырсақ», «Қаздар-аққулар», «Макта қыз және мысық», «Үишік», «Шалқан» және басқалары сияқты ертегілерден шатастырылған ертегі кейіпкерлерінің іс-әрекеттерінің логикалық тізбегін жинау ұсынылды.

«Ғажайыптар өрісі» дөңгелегін айналдыра отырып, балалар ертегінің жасырылған атауын ашып, нұсқауларға сәйкес шығарманың авторын болжау керек болды.

Балалар ертегілер күніне қуана қатысып, тамаша білімдерін көрсетті, өйткені Ертегілер елі – ең тамаша және ғажайып ел. Іс-шара көңілді және қызықты өтті. Барлық қатысушылар тәтті сыйлықтармен және алғыс хаттармен марапатталды. Іс-шара мерекелік флешмобпен аяқталды.